نیلسن مینڈیلا۔ ایک عہد ساز شخصیت
،وہ ہیں ایک ایسی شخصیت ہے جن سے میں بہت متاثر ہوا اور آج تک ہوں حریت،عزم،ہمت اورنسلی امتیازات کے خلاف انقلابی جدو جہد کی علامت عظیم رہنما نیلسن منڈیلا نیلسن منڈیلا جدید دنیا کے قابلِ احترام حکمرانوں میں سے ایک تھے۔ انھوں نے جنوبی افریقہ کی نسل پرست حکومت کو مختلف النسل جمہوریت میں تبدیل کرنے کی جدوجہد کی قیادت کی۔وہ 27 سال قید کاٹنے کے بعد ملک کے پہلے سیاہ فام صدر بنے۔ انھوں نے جنگ زدہ علاقوں میں قیامِ امن کے لیے کلیدی کردار ادا کیا۔ جنوبی افریقہ کے سابق صدر نیلسن منڈیلا کی 100 ویں سالگرہ کے موقع پر آج دنیا بھر میں ان کا دن منایا جارہا ہے۔ آج ساری دنیا جس عظیم انسان کو خراجِ تحسین پیش کررہی ہے، ایک زمانہ وہ بھی گزرا ہے، جب امریکہ اور برطانیہ سمیت کئی مغربی طاقتیں اور سیاستدان اسے ایک خطرناک شخصیت قرار دیتے تھے۔ مارگریٹ تھیچر کی کنزرویٹیو حکومت کے نزدیک منڈیلا اور ان کی سیاسی جماعت افریقن نیشنل کانگریس دہشت گرد تھے۔ایمنسٹی انٹرنیشنل نے خالصتان کے ایک لیڈر کو پرزنر آف کانشس قرار دیا تھا، لیکن منڈیلا کو نہیں کیونکہ ان کی افريقن نیشنل کانگریس مسلح تحریک چلا رہی تھی۔ام...